شوف الموقف ده واعرف الربع جنيه ممكن يعمل ايه في الدنيا

واحد كان معاه ربع جنيه ..


فكر يعمل بيه إيه ..


يشرب عصير قصب و لا يركب الأتوبيس فقال :


أنا لو ركبت الأتوبيس هيبقي في حل من إثنين :


ممكن اقف وممكن اقعد


لو وقفت مفيش مشكله


بس لو قعدت هيبقي في حل من إثنين :


ممكن اقعد جنب راجل ووممكن اقعد جنب بنت


لوقعدت جنب راجل مفيش مشكلة


بس لو قعدت جنب بنت هيبقي في حل من إثنين :


ممكن نكلم بعض او ممكن نقرف من بعض


لو قرفنا من بعض مفيش مشكله


لكن لوكلمنا بعض هيبقي في حل من إثنين :


ممكن نحب بعض ونتجوز وممكن لأ


لو مش هنتجوز مفيش مشكله


لكن لو إتجوزنا هيبقي في حل من إثنين :

ممكن نخلف وممكن لأ


لو مخلفناش مفيش مشكلة


لكن لو خلفنا هيبقي في حل من إثنين :


ممكن نخلف ولد او نخلف بنت


لو خلفنا بنت مفيش مشكلة


بس لو خلفنا ولد هيبقي في حل من إثنين :


ممكن يستقيم أو ينحرف


لو إستقام مفيش مشكلة


لكن لو إنحرف هيبقي في حل من إثنين :


ممكن يكون مدمن او يكون مش مدمن


لو مش مدمن مفيش مشكلة


بس لو أدمن هيبقي في حل من إثنين :


يإما هيبقي معاه فلوس أو معهوش


لو كان معاه فلوس مفيش مشكلة


بس لو كان عايز فلوس هيبقي في حل من إثنين :


ممكن يسرقني او ممكن يقتلني


لو سرقني مفيش مشكلة لكن لو قتلني ..



يانهار اسود
... يقتلني ؟؟!!!!!!!!!



لا ياعم أنا أشرب عصير قصب أحسن