من طرف yoha الخميس أبريل 16, 2009 4:37 amجمل احساس لما واحد يجى يتقدم لواحدة ويطلب رجليها للجواز.....عفوا يطلب ايدها علشان يحطها فى الكلبشات
لكن اللي بيحصل ان دايما كلا الطرفين يكن للاخر نوايا سيئة السمعة او غير محمودة او سموها زي ما تسموها
مع انهم داخلين علي خير وجواز والمفروض انهم حيبقوا اهل وعيلة واحدة في قلب بعضها زي الزبادي في الخلاط
حوار داخلي جميل في سرهم بيبادلوه لبعض وكله عامل نفسه عبده العبيط وفي الخر بيقروا الفاتحة علي روحهم وروح اللي خلفوهم
المهم
تعالوا نشوف الحوار شكله ازاي من ساعة ما الفار ما بيدخل المصيدة لحد
ما يجيبه اجله ويقصفه رقبته
______________________________________________________________
العريس داخل البيت اخر شياكة وانتكة الجاكت مالوش دعوة بالبنطلون ولا بلون الشوز ودقنه طويلة فطوطة اسم النبي حارسه
طبعا
اول ما ابو العروسة بيشوف العريس بيمسك فيه بايده وسنانه طبعا اخيرا حيخلص
من البلوة اللى عنده وحيخلص من كلمة عايزة يا بابا ويسلمها لواحد تمسك فى
رقبته
وتلاقى الراجل يا عينى مش طايق العريس بس حيعمل ايه مضطر وكل واحد منهم بيقول حاجة بيكون له نيه تانية
خاااااااااااااااااااااااااااااااالص
ابو العروسة اول ما شاف العريس قال "اهلا اهلا يا ابنى والله احنا بنشترى راجل"
وفى سره.." راجل قال راجل قال وهو بقى فيه رجاله فى الزمن الاغبر اللى احنا عايشينه ده؟؟
ده بقى زمن الخنافس والعرس......... جتكم وكسة كلكم شباب فسدان بتوع الفيسكو.... والحظاظة ....والكلام الفارغ ايخيه
العريس قاعد عامل مكسوف ومش عارف يتكلم "ربنا يخليك يا عمى اهو ده العشم برضوا"
وفى
سره.."خلصنا يا خويا وقول عايز كام فى البيعة دى شبكة ومؤخر وقيمة ونايمة
...والعشم فى انك تتهاود معايا وتقسطهم بدل ما تكسر وسطى ووسط اهلى
الهانم بنتك مش السفيرة عزيزة.......... دى كبيرها طشت وكوز وحلتين المونيوم
العروسة.. تخرج حتموت من الكسوف وقال يعنى عمرها ما اتكلمت مع رجالة " اهلا ...تشرفنا ..نورتنا"
فى سرها.." يا دى الخيبة قال نورنا قال بلا نيلة..... دلوقتى النور يقطع لما شاف خلقتك
يعنى
هو الواحد كان ناقص ضلمة.......... مهو كفاية حياته مضلمة خلقة...ولا
الواحد كان ناقص حد يخدمه ويقوله رايح فين........ وجاى مين اهو الواحد
بعد كده مش حيعرف يخلع مع اصحابه على الديسكو
.يوووووووه ............... يا شيخ روح كده شكلك حتكتم على نفسى ........ وانت شبه بتاع البليله
ام العروسة.." اهلا وسهلا يا ابنى...منور امال فين الحاجة؟؟ ما شرفتناش ليه؟؟
فى
سرها.." الهى تكون مقطوع من شجرة .........وامك ماتت وشبعت موت ..اهو تريح
البت ويكون من حظها ونصيبها ان ما لهاش حماه ام اربعة واربعين
العريس.."قريب ان شاء الله تزوركم وتبارك الجواز"
فى
سره.." قال تبارك قال ...هى اصلا مش عايزة تشوف خلقتكم خالص ......ولا
تعرفكم........ يعنى هى كانت ناقصة واحدة تقرفها وتصرف عليها ..مش كفاية
انا لسه بيتصرف عليا وكل يوم تسم بدنى بالكلام يلا اهو الاقى حد ياخد
نصيبه معايا
العروسة.." اه..لازم فعلا طنط تشرفنا واحنا لينا بركة الا هى"
فى سرها.." قال بركة قال" بركة السبع" جتها كسر رجليها وتنشك فى معاميعها
الواحد كان عايز واحد لقيط...لا اب ولا ام
وخصوصا الام ويا حبذا بقى لو كان حاصل على شهادة الجودة من دار الايتام
ابو العروسة.." ها يا حبيبى قولى بقى ...ان شاء الله ناوى على ايه .........وايه امكانياتك؟؟
فى سره.." اكيد ناوى تجبلى شلل ولارعاش ..... وهو شباب اليومين دول حيلته حاجة
...بس على مين انا لازم ادفعك دم قلبك انت واهلك ......اه امال هتاخد البت كده ببلاش على الجاهز
وانا علمت وكبرت وربيت كل ده فين تمنه ؟؟
هى سايبه ولا سايبه ........ امال هنكسر وسط مين فى الجهاز والعفش والذى منه ؟؟
زى ما اتكسر وسطى عليها هى واخواتها
العريس.." زى ما تحب يا عمى .....اللى حضرتك تأمرنى بيه
فى سره.." عمي الدبب وحبك برص....خلصنا يا خويا وقول عايز كام خلينا نخلص من الرزيه دى اقصد الجوازة دى
ام العروسة.." احنا يا حبيبى يهمنا راحة بنتنا... وكل اللى تجيبه كويس المهم الراجل وشخصيته
فى سرها.." هىهى قال سخصية قال ؟؟
لا يا اخويا احنا عايزين واحد لا بيهش ولا بينش مش ناقصينك تجيب للبت كأبه
قول بقى هتدفع كام فى البت .....اه دى ليها تمنها
وقال بنشترى راجل يا خويا ما ابوها قاعد قدامك اهو كان عملى ايه ؟
كحيان وفقران وصدمان وعدمان كانت الرجوله اكيلتناه؟؟.......... بلا وكسة
العريس.." والله يا طنط الراى رايكم انا من ايدكم دى لايدكم دى"
فى سره.." جاتكم قطع ايدكم ورقبتكم .......ده الكلام والحبتين دول دلوقتى
بعد كده مش هنخلص من كلمة هات هات جاتكم الهيتهات كلكم.
لكن صبركم بالله عليا لما تيجى عندى البيت بس........ هطلعه بلاء على جتتها وجتت اللى خلفوها
ابو العروسة منشكح اوى.." خلاص يا ابنى شوف احنا علينا نص العفش وانت النص........ والفاضى يدى للمليان واهى فى بيتها
فى
سره.." الود ودى تشيل وتدبس انت فى كله ...الواحد لسه عنده مصايب غيرها
.....هانجيبلهم منين ادفع يا اخويا مش كفايه هنديك بت زى الفل
عود ورور كده........ ياختى على جمالها
العريس.." تمام كده يا عمى طيب وحاجة الكهرباء والمطبخ؟؟
فى سره.." كسرتوا وسطى الله يقطم ضهركم والله ما ادفع اكتر من كده ....نحلتو وبرى"
ام العروسة.." حاجة الكهرباء عليك والمطبخ علينا
فى سرها.." الهى تتكهرب يا بعيد.......... بس بعد ما تكتب الكتاب.......... ونعلى الجواب علشان البت تورثك
العريس.." ها ....يا ترى عروستنا موافقة؟؟
نقرأ الفاتحة
فى سره.." الهى ما توافقى انا مش عايز البيعة دى
انا مش ناقصك انتى واهلك حتخربوا بيتى
العروسة.." طبعا مكسوفة وحطها وشها فى الجزمة... اقصد فى الارض
فى سرها.." يلا خليه يشرب بقى.......سيبك انت ده انا ناويالك على حتة نيه عسل
"وهى بتخن صوتها" استنى عليا يا حسب الله
ام العروسة.." السكوت علامة الرضا "
فى سرها.." دى مش طايقاك بس يلا اهو تلاقى حد تمسك فى رقبته شوية
وتحل عنا وبعدين تعمل ايه يا عين امها ......كبرت ومش عايزة تبور وتعنس
العريس.." مكسوف قال يعنى فرحان وهو حيتنقط "فعلا شكلها خجول وبتتكسف"
فى سره.." وهو يا ختى فيه بت دلوقتى بتتكسف حتعملوهم علينا ولا ايه يا اخوانا ...ولا علشان معدينها بمذاجنا؟؟
لا احنا ما بناكلش من كلام الاونطة ده ....ما تعملوهمش علينا
وفى الاخر تلاقيهم كلهم رافعين ايديهم .....وبيقراو الفاتحة
العريس.." بيقرأها طبعا على روحه مقدما"
ابو العروسة.." ما صدق خلص من بنته وانزاح الهم
ام العروسة.." ما صدقت ودبستهاله وارتاحت من الضرب والتلطيش بتاع كل يوم
العروسة .." بتقراها على روح العريس ....وامه..... واهله كلهم هما واللى خلفوهم
لكن اللي بيحصل ان دايما كلا الطرفين يكن للاخر نوايا سيئة السمعة او غير محمودة او سموها زي ما تسموها
مع انهم داخلين علي خير وجواز والمفروض انهم حيبقوا اهل وعيلة واحدة في قلب بعضها زي الزبادي في الخلاط
حوار داخلي جميل في سرهم بيبادلوه لبعض وكله عامل نفسه عبده العبيط وفي الخر بيقروا الفاتحة علي روحهم وروح اللي خلفوهم
المهم
تعالوا نشوف الحوار شكله ازاي من ساعة ما الفار ما بيدخل المصيدة لحد
ما يجيبه اجله ويقصفه رقبته
______________________________________________________________
العريس داخل البيت اخر شياكة وانتكة الجاكت مالوش دعوة بالبنطلون ولا بلون الشوز ودقنه طويلة فطوطة اسم النبي حارسه
طبعا
اول ما ابو العروسة بيشوف العريس بيمسك فيه بايده وسنانه طبعا اخيرا حيخلص
من البلوة اللى عنده وحيخلص من كلمة عايزة يا بابا ويسلمها لواحد تمسك فى
رقبته
وتلاقى الراجل يا عينى مش طايق العريس بس حيعمل ايه مضطر وكل واحد منهم بيقول حاجة بيكون له نيه تانية
خاااااااااااااااااااااااااااااااالص
ابو العروسة اول ما شاف العريس قال "اهلا اهلا يا ابنى والله احنا بنشترى راجل"
وفى سره.." راجل قال راجل قال وهو بقى فيه رجاله فى الزمن الاغبر اللى احنا عايشينه ده؟؟
ده بقى زمن الخنافس والعرس......... جتكم وكسة كلكم شباب فسدان بتوع الفيسكو.... والحظاظة ....والكلام الفارغ ايخيه
العريس قاعد عامل مكسوف ومش عارف يتكلم "ربنا يخليك يا عمى اهو ده العشم برضوا"
وفى
سره.."خلصنا يا خويا وقول عايز كام فى البيعة دى شبكة ومؤخر وقيمة ونايمة
...والعشم فى انك تتهاود معايا وتقسطهم بدل ما تكسر وسطى ووسط اهلى
الهانم بنتك مش السفيرة عزيزة.......... دى كبيرها طشت وكوز وحلتين المونيوم
العروسة.. تخرج حتموت من الكسوف وقال يعنى عمرها ما اتكلمت مع رجالة " اهلا ...تشرفنا ..نورتنا"
فى سرها.." يا دى الخيبة قال نورنا قال بلا نيلة..... دلوقتى النور يقطع لما شاف خلقتك
يعنى
هو الواحد كان ناقص ضلمة.......... مهو كفاية حياته مضلمة خلقة...ولا
الواحد كان ناقص حد يخدمه ويقوله رايح فين........ وجاى مين اهو الواحد
بعد كده مش حيعرف يخلع مع اصحابه على الديسكو
.يوووووووه ............... يا شيخ روح كده شكلك حتكتم على نفسى ........ وانت شبه بتاع البليله
ام العروسة.." اهلا وسهلا يا ابنى...منور امال فين الحاجة؟؟ ما شرفتناش ليه؟؟
فى
سرها.." الهى تكون مقطوع من شجرة .........وامك ماتت وشبعت موت ..اهو تريح
البت ويكون من حظها ونصيبها ان ما لهاش حماه ام اربعة واربعين
العريس.."قريب ان شاء الله تزوركم وتبارك الجواز"
فى
سره.." قال تبارك قال ...هى اصلا مش عايزة تشوف خلقتكم خالص ......ولا
تعرفكم........ يعنى هى كانت ناقصة واحدة تقرفها وتصرف عليها ..مش كفاية
انا لسه بيتصرف عليا وكل يوم تسم بدنى بالكلام يلا اهو الاقى حد ياخد
نصيبه معايا
العروسة.." اه..لازم فعلا طنط تشرفنا واحنا لينا بركة الا هى"
فى سرها.." قال بركة قال" بركة السبع" جتها كسر رجليها وتنشك فى معاميعها
الواحد كان عايز واحد لقيط...لا اب ولا ام
وخصوصا الام ويا حبذا بقى لو كان حاصل على شهادة الجودة من دار الايتام
ابو العروسة.." ها يا حبيبى قولى بقى ...ان شاء الله ناوى على ايه .........وايه امكانياتك؟؟
فى سره.." اكيد ناوى تجبلى شلل ولارعاش ..... وهو شباب اليومين دول حيلته حاجة
...بس على مين انا لازم ادفعك دم قلبك انت واهلك ......اه امال هتاخد البت كده ببلاش على الجاهز
وانا علمت وكبرت وربيت كل ده فين تمنه ؟؟
هى سايبه ولا سايبه ........ امال هنكسر وسط مين فى الجهاز والعفش والذى منه ؟؟
زى ما اتكسر وسطى عليها هى واخواتها
العريس.." زى ما تحب يا عمى .....اللى حضرتك تأمرنى بيه
فى سره.." عمي الدبب وحبك برص....خلصنا يا خويا وقول عايز كام خلينا نخلص من الرزيه دى اقصد الجوازة دى
ام العروسة.." احنا يا حبيبى يهمنا راحة بنتنا... وكل اللى تجيبه كويس المهم الراجل وشخصيته
فى سرها.." هىهى قال سخصية قال ؟؟
لا يا اخويا احنا عايزين واحد لا بيهش ولا بينش مش ناقصينك تجيب للبت كأبه
قول بقى هتدفع كام فى البت .....اه دى ليها تمنها
وقال بنشترى راجل يا خويا ما ابوها قاعد قدامك اهو كان عملى ايه ؟
كحيان وفقران وصدمان وعدمان كانت الرجوله اكيلتناه؟؟.......... بلا وكسة
العريس.." والله يا طنط الراى رايكم انا من ايدكم دى لايدكم دى"
فى سره.." جاتكم قطع ايدكم ورقبتكم .......ده الكلام والحبتين دول دلوقتى
بعد كده مش هنخلص من كلمة هات هات جاتكم الهيتهات كلكم.
لكن صبركم بالله عليا لما تيجى عندى البيت بس........ هطلعه بلاء على جتتها وجتت اللى خلفوها
ابو العروسة منشكح اوى.." خلاص يا ابنى شوف احنا علينا نص العفش وانت النص........ والفاضى يدى للمليان واهى فى بيتها
فى
سره.." الود ودى تشيل وتدبس انت فى كله ...الواحد لسه عنده مصايب غيرها
.....هانجيبلهم منين ادفع يا اخويا مش كفايه هنديك بت زى الفل
عود ورور كده........ ياختى على جمالها
العريس.." تمام كده يا عمى طيب وحاجة الكهرباء والمطبخ؟؟
فى سره.." كسرتوا وسطى الله يقطم ضهركم والله ما ادفع اكتر من كده ....نحلتو وبرى"
ام العروسة.." حاجة الكهرباء عليك والمطبخ علينا
فى سرها.." الهى تتكهرب يا بعيد.......... بس بعد ما تكتب الكتاب.......... ونعلى الجواب علشان البت تورثك
العريس.." ها ....يا ترى عروستنا موافقة؟؟
نقرأ الفاتحة
فى سره.." الهى ما توافقى انا مش عايز البيعة دى
انا مش ناقصك انتى واهلك حتخربوا بيتى
العروسة.." طبعا مكسوفة وحطها وشها فى الجزمة... اقصد فى الارض
فى سرها.." يلا خليه يشرب بقى.......سيبك انت ده انا ناويالك على حتة نيه عسل
"وهى بتخن صوتها" استنى عليا يا حسب الله
ام العروسة.." السكوت علامة الرضا "
فى سرها.." دى مش طايقاك بس يلا اهو تلاقى حد تمسك فى رقبته شوية
وتحل عنا وبعدين تعمل ايه يا عين امها ......كبرت ومش عايزة تبور وتعنس
العريس.." مكسوف قال يعنى فرحان وهو حيتنقط "فعلا شكلها خجول وبتتكسف"
فى سره.." وهو يا ختى فيه بت دلوقتى بتتكسف حتعملوهم علينا ولا ايه يا اخوانا ...ولا علشان معدينها بمذاجنا؟؟
لا احنا ما بناكلش من كلام الاونطة ده ....ما تعملوهمش علينا
وفى الاخر تلاقيهم كلهم رافعين ايديهم .....وبيقراو الفاتحة
العريس.." بيقرأها طبعا على روحه مقدما"
ابو العروسة.." ما صدق خلص من بنته وانزاح الهم
ام العروسة.." ما صدقت ودبستهاله وارتاحت من الضرب والتلطيش بتاع كل يوم
العروسة .." بتقراها على روح العريس ....وامه..... واهله كلهم هما واللى خلفوهم
