من طرف ميسرة السبت مارس 14, 2009 5:42 am
أحب اقدم ليكوا بعض النكت إلى أنا شايفها حلووووه شويه......
وقد تكون قديمه شويتين........بس أتمنى إنها تعجبكوا إنتوا كمان.....
مدرس سأل طالب بلدياتنا، لما تكبر هاتكون إيه؟ قاله: عجوز طبعا!!
واحد بلدياتنا اتصل بالاستعلامات قال لهم إديني رقم المطافي،
الموظف قال له: 999
قال: يعني تلات تسعات؟
الموظف قال: أيوة تمام
قال: طيب أنا ماعنديش غير تسعة واحدة في التليفون.
قال له: والله إنك صعيدي صحيح.
قال له، ياعفريت، تلاقيك مركب كاشف
بلادينا قال لصاحبه: بتشرب قهوة بالليل؟
صاحبه قال له: أنا إذا شربت قهوة بالليل ما أقدرش أنام
بلدينا رد: أنا بقى عكسك، إذا نمت ما أقدرش أشرب قهوة
واحد بلدينا اتهموه بالذكاء ... طلع براءة
واحد بلدينا ماشي ع الرصيف
شاف واحد سأله: هو فين الرصيف الثاني؟
رد عليه: الناحية الثانية
بلدينا قال: حاجة تدوخ!! ... والله أنا سألت الناحية الثانية قالو لي هنا!!
تلميذين من بلدياتنا وصلوا المدرسة متأخرين
سأل الأستاذ واحد منهم كان بيعيط قوي: إيه اللي جابك متأخر كدة
قال وهو بيعيط: أصل الشلن بتاعي وقع مني وكنت عمال أدور عليه علشان ماعييش غيره
فسأل الثاني: طيب وإنت بقى كنت بتدور معاه برضه؟
قال: لا يا أستاذ، أنا كنت دايس ع الشلن برجلي !!
واحد في مأتم واحد بلدينا مات امبارح، بيسأل، هو بلدينا مات بإيه؟
رد عليه اللي جنبه: حط إيده في برميل مية نار
قال له: طيب وهو اللي يحط إيده في برميل مية نار يموت؟
قال له: لأ، ماهو لما مالاقاش إيده ... دخل راسه في البرميل عشان يدور عليها!!
بيقولك ليه بلدينا بيكون ذكي لما يطلع من الصعيد؟
علشان بيكون خارج نطاق التغطية
بلدينا من سوهاج سمع في النشرة إن فيه عاصفة جاية على سوهاج، كتب على مدخل المدينة: مرحبا بك في أسيوط
واحد بلدينا بيقول لواحد ثاني: عيني اليمين واجعاني قوي يابوي وكل ماافتحها أشوف نقط سودا
قال له: طيب شفت دكتور عيون ؟
قال له: يا بني آدم باقول لك شفت نقط سودا
واحد ياباني شغال في مشروع في قبلي، قام فات على بقالة عشان عايز يشتري عشر علب بيبسي،
قال لبلادينا: كوميهاني سيبة موفا كالاو بيبسي
بلدينا رد عليه: بتقول إيه؟ عايز عشر علب إيه؟
واحد صحفي بيسأل بلدينا: نسبة البطالة عندكم قد إيه؟
بلادينا : والله الصعيد كله أبطال.
بلدينا ماشي في جنازة
سأل واحد: هو المرحوم كان بيشتغل إيه؟
قاله : كان تربي
بلدينا قال: سبحان الله ... من حفر حفرة لأخيه وقع فيها
بلدينا راح عند القصر الجمهوري وكلم العسكري اللي هناك
قال له: أنا عايز أترشح لرئاسة الجمهورية
قال له العسكري: إنت حمار ولا إيه؟
بلدينا قال له: ليه؟ هو شرط يعني؟؟؟؟
وبكده انتهيت من النكت........... ولينا موعد اخر من النكت وأتمنى إنها تعجبكوا وتتبسطوا منها....
ومستنى ردوركوا...وإلى عنده رد حلو يقوله وإلى عنده رد مش كويس يقوله برده .....
وشكـــــــراااااااااااا
