[0%] 
من طرف [ندعوك للتسجيل في المنتدى أو التعريف بنفسك لمعاينة هذا الرابط]
السلام عليكم
حبايبي الحلوين . معلش انا حاسة بيكم وبالمأساه اللي كنتوا بتمروا بيها من كام يوم فاتو
لاسيما ان النت اصبح في حياتنا زي العيش الفينو للاغنياء .. والعيش البلدي للفقراء ..
طبعا كلنا مرينا بوقت عصيب جدا ً خالص خالص اليومين دول لاننا كلنا عرفنا الماساه اللي مصرنا الحبيبة مرت بيها .
وطبعا كلنا عرفنا
السمكة اللي قطعت كابل النت . واللي حولوا يصوروها بالاشعه تحت الخضراء في 90 دقيقة
مش فاهمة دي سمكة نوعه ايه دي ؟؟ هي دي سمكة قرش وللا حوت . ؟
ولا يمكن تطلع سمكة البالون اللي بتاكل الناس وهي نايمة .
مرت مصر باسوأ 32 ساعة ونص في حياتها . اصعب من العدوان الثلاثي سنه 56 .
واصعب من لحظة فك شفرة حجر رشيد ... لان الشباب كلهم افتقدوا الهواء والشات .
بس بجد حاجة عظيمة جدا لما نلاقي ان النت قطع عن مصر كلها عشان الكابلات اتقطعت بين مصر وايطاليا ..
والا معرفش مصر وسنغافورا
بس برده مصر هي امي نيلها هو عمي . وشمسها السماري وشكلها في ملامحي ..
حتي لوني امحي وهيسود قريب بسبب عمايلك السوده يا مصر
وبرد علي كل المرتزقه عديمي النظر ان مصر دي امنا والنيل روانا والخير جوانا ولازم نقف معاها شويه
ايه المشكلة يعني لما النت يفصل يومين تلاته عشره ؟ والكهربا تفصل كمان اسبوعين والا اتنين .
وتصحي من نومك متلاقيش اكل ؟
ايه المشكلة ؟ مصر ياما ادتنا كتير . فيها ايه لما يوم نديها ؟
واحب اقول " ليا مين غيرك يا بلدي ليا مين .. يللي علمتيني ايه معني الحنين "
تقطعي عننا النت يوم ونص يا مفتريه ؟ وكل ده ليه !! عشان الشباب تطفش يعني ؟ طب مش هيطلعوا منها برده
ومن النهارده مفيش حكومة .. احمد السقا هو الحكومة
متعرفوش يا جماعة الفتره دي عدت عليا ازاي . حقيقي لا ماسنجر لا تصفح ولا عيون القمر.. فظيع فظيع فظيع
بقي بسبب حته سمكه ينقطع اتصالنا بالعالم الخارجي ؟ والفالحين سايبيلنا المواقع المحليه زي مصراوي ودي لنك .
دول هنعمل بيهم ايه دول ؟ هنفتيهم في الشاي وناكلهم ؟
ربنا يسامحك يا مصر . عايزه تموتينا ؟ مش عارفين تحافظو علي شويه كابلات ماشية في المية ؟ إخص عليكم
بس انا عارفة مين اللي ورا الحركة دي . دي اكيد حركة ارهابيه عشان الشباب تهاجر بره البلد وتروح شبرا . بس ابدا على مين الكلام ده
يعني النت مش يفصل مثلا عن حته واحده ويسيبوا حته . لا دي مصر كلها اتقطع عنها النت ؟؟
طبعا اصحاب النفوس الضعيفه والشخصيات المهزوزه هيسالني ويقولي ليه ؟ ليه النت اتقطع عن مصر كلها ؟
االاجابه بسيطة . مصر دي عظيمة يا ولاد وكل حته في مصر ماسكة في الحته اللي جنبها .
ولازم لما النت يقطع عن الهرم لازم ياخد في ديله الدقي لحد التحرير .. ويا نعيش عيشه فل يا نموت احنا الكل
بس برده ارجع اقول مصر هي امي ونيلها هو عمي
وبخاطب جميع المسؤولين القائمين علي التحقيق والتفحيص والتمحيص والجري وراء السمكة ...
شكرا يا بنى آدمين علي النت وعودا حميدا ً والحمد لله انكوا لحقتونا بدري بدري .. قبل ما كان يحصلنا حاجة
ده احنا كنا ممكن ننقرض في الحركة الارهابية دي . بس الحمد لله جت سليمة
وعلي فكرة انا كمواطنة مصرية النيل رواها والخير جواها بتحب مصر انا عملت عملية انتقامية الا وهي :
الوزير طلع وقال يا جماعة محدش يحمل حاجة - لا افلام ولا اغاني ولا .... - عشان النت بطئ وكله يساعد بعضه والاولوية للعواجيز والحوامل وذوي الاحتياجات الخاصة
فانا بحمد الله حصلت علي مجموعة مصطفي محمود كامله - 6 جيجا - وحملتها كلها من ساعتها لحد ما الكابلات تتقطع تاني
مهو محدش ضامن عمره ولازم اامن مستقبل العيال بكام جيجا قبل ما اتنقط من البلد دي
وابقي قابلني يا وزيرنا لو حد عرف حتي يدخل علي موقع مصراوي .
وبناشد كل الشباب وكل البنات .. محدش يقرب من الكومبيوتر . لانه دلوقتي تحت سيطرة من لا يرحم .
وهطالب المحكمة بتعويض لما حدث لي من ضرر نفسي وجسدي ومعنوي . وهطالب مبلغ كبير مصحوبا بطبق من الملوخيه وكيلو خيار
وبالنسبة للعصابة بتاعي رضا وشيكو ورنونة ومحمد وكل الناس الحلوة اللي مش فاكراها .
بطمنكم وبقولكم مصر امانه في ايدينا . ولازم نحافظ علي السلك بتاع النت وبقول للشباب ياريت
محدش يشرب سجاير جنب الكورنيش عشان ممكن السجارة تقع في المية
فتلسع السلك اللي تحت المية ونمر بازمة عصبية تانيه . ومنقدرش نلم المشكلة . ومش كل مرة تسلم الجرة
ويا ريت نقف دقيقة حداد كلنا علي اللي حصل ..
وفي نهاية الحلقة بهديلكم الاغنيه دي عشان كلنا اصلنا علي نياتنا ..
ومش فاهمين ايه اللي بيحصل في البلد
وسلام حار لكل الناس الحلوة اللى هتنورنى بردها
السلام عليكم
حبايبي الحلوين . معلش انا حاسة بيكم وبالمأساه اللي كنتوا بتمروا بيها من كام يوم فاتو
لاسيما ان النت اصبح في حياتنا زي العيش الفينو للاغنياء .. والعيش البلدي للفقراء ..
طبعا كلنا مرينا بوقت عصيب جدا ً خالص خالص اليومين دول لاننا كلنا عرفنا الماساه اللي مصرنا الحبيبة مرت بيها .
وطبعا كلنا عرفنا
السمكة اللي قطعت كابل النت . واللي حولوا يصوروها بالاشعه تحت الخضراء في 90 دقيقة
مش فاهمة دي سمكة نوعه ايه دي ؟؟ هي دي سمكة قرش وللا حوت . ؟
ولا يمكن تطلع سمكة البالون اللي بتاكل الناس وهي نايمة .
مرت مصر باسوأ 32 ساعة ونص في حياتها . اصعب من العدوان الثلاثي سنه 56 .
واصعب من لحظة فك شفرة حجر رشيد ... لان الشباب كلهم افتقدوا الهواء والشات .
بس بجد حاجة عظيمة جدا لما نلاقي ان النت قطع عن مصر كلها عشان الكابلات اتقطعت بين مصر وايطاليا ..
والا معرفش مصر وسنغافورا
بس برده مصر هي امي نيلها هو عمي . وشمسها السماري وشكلها في ملامحي ..
حتي لوني امحي وهيسود قريب بسبب عمايلك السوده يا مصر
وبرد علي كل المرتزقه عديمي النظر ان مصر دي امنا والنيل روانا والخير جوانا ولازم نقف معاها شويه
ايه المشكلة يعني لما النت يفصل يومين تلاته عشره ؟ والكهربا تفصل كمان اسبوعين والا اتنين .
وتصحي من نومك متلاقيش اكل ؟
ايه المشكلة ؟ مصر ياما ادتنا كتير . فيها ايه لما يوم نديها ؟
واحب اقول " ليا مين غيرك يا بلدي ليا مين .. يللي علمتيني ايه معني الحنين "
تقطعي عننا النت يوم ونص يا مفتريه ؟ وكل ده ليه !! عشان الشباب تطفش يعني ؟ طب مش هيطلعوا منها برده
ومن النهارده مفيش حكومة .. احمد السقا هو الحكومة
متعرفوش يا جماعة الفتره دي عدت عليا ازاي . حقيقي لا ماسنجر لا تصفح ولا عيون القمر.. فظيع فظيع فظيع
بقي بسبب حته سمكه ينقطع اتصالنا بالعالم الخارجي ؟ والفالحين سايبيلنا المواقع المحليه زي مصراوي ودي لنك .
دول هنعمل بيهم ايه دول ؟ هنفتيهم في الشاي وناكلهم ؟
ربنا يسامحك يا مصر . عايزه تموتينا ؟ مش عارفين تحافظو علي شويه كابلات ماشية في المية ؟ إخص عليكم
بس انا عارفة مين اللي ورا الحركة دي . دي اكيد حركة ارهابيه عشان الشباب تهاجر بره البلد وتروح شبرا . بس ابدا على مين الكلام ده
يعني النت مش يفصل مثلا عن حته واحده ويسيبوا حته . لا دي مصر كلها اتقطع عنها النت ؟؟
طبعا اصحاب النفوس الضعيفه والشخصيات المهزوزه هيسالني ويقولي ليه ؟ ليه النت اتقطع عن مصر كلها ؟
االاجابه بسيطة . مصر دي عظيمة يا ولاد وكل حته في مصر ماسكة في الحته اللي جنبها .
ولازم لما النت يقطع عن الهرم لازم ياخد في ديله الدقي لحد التحرير .. ويا نعيش عيشه فل يا نموت احنا الكل
بس برده ارجع اقول مصر هي امي ونيلها هو عمي
وبخاطب جميع المسؤولين القائمين علي التحقيق والتفحيص والتمحيص والجري وراء السمكة ...
شكرا يا بنى آدمين علي النت وعودا حميدا ً والحمد لله انكوا لحقتونا بدري بدري .. قبل ما كان يحصلنا حاجة
ده احنا كنا ممكن ننقرض في الحركة الارهابية دي . بس الحمد لله جت سليمة
وعلي فكرة انا كمواطنة مصرية النيل رواها والخير جواها بتحب مصر انا عملت عملية انتقامية الا وهي :
الوزير طلع وقال يا جماعة محدش يحمل حاجة - لا افلام ولا اغاني ولا .... - عشان النت بطئ وكله يساعد بعضه والاولوية للعواجيز والحوامل وذوي الاحتياجات الخاصة
فانا بحمد الله حصلت علي مجموعة مصطفي محمود كامله - 6 جيجا - وحملتها كلها من ساعتها لحد ما الكابلات تتقطع تاني
مهو محدش ضامن عمره ولازم اامن مستقبل العيال بكام جيجا قبل ما اتنقط من البلد دي
وابقي قابلني يا وزيرنا لو حد عرف حتي يدخل علي موقع مصراوي .
وبناشد كل الشباب وكل البنات .. محدش يقرب من الكومبيوتر . لانه دلوقتي تحت سيطرة من لا يرحم .
وهطالب المحكمة بتعويض لما حدث لي من ضرر نفسي وجسدي ومعنوي . وهطالب مبلغ كبير مصحوبا بطبق من الملوخيه وكيلو خيار
وبالنسبة للعصابة بتاعي رضا وشيكو ورنونة ومحمد وكل الناس الحلوة اللي مش فاكراها .
بطمنكم وبقولكم مصر امانه في ايدينا . ولازم نحافظ علي السلك بتاع النت وبقول للشباب ياريت
محدش يشرب سجاير جنب الكورنيش عشان ممكن السجارة تقع في المية
فتلسع السلك اللي تحت المية ونمر بازمة عصبية تانيه . ومنقدرش نلم المشكلة . ومش كل مرة تسلم الجرة
ويا ريت نقف دقيقة حداد كلنا علي اللي حصل ..
وفي نهاية الحلقة بهديلكم الاغنيه دي عشان كلنا اصلنا علي نياتنا ..
ومش فاهمين ايه اللي بيحصل في البلد
وسلام حار لكل الناس الحلوة اللى هتنورنى بردها
