من طرف 
تـليفـــــــــــــووون الريـــــــــــس 
ماشى فى امان الله00فى ارض الله * بالتحديد عند الكوبرى* 00الدنيـــا فاضيه والجو بردوإذ فجأتن يعدى موكب طوويل بسرعة من جنبى00
اخدت بالــى من حاجــة صغيرة وقعت من عربية مميزة فى الموكـب00قربــت لقيتــه موبايــل جديـد وشكله حلو قوى00 فرحت واخدته البيـت
وهناك اكتشفت انه
بتاع الريس فكــرت يمكن يكــون الريــس رمــاه متعمــدا بعد مااكتشفت ان رصيده خلص00ولا ! يمكن رماه كتبرع ليا كأحد فقراء الوطن00
قلبت فى الموبايــل وقربت اشوف ايه يميز موبايل الريس عن اى عـده
تانيه من عدد الشعب00
اول حاجة ال cover وده بقى مختلف عن اى واحد تانى ممكن تلاقيـه فى اى حتــه 00 علـم مصر ياجدعاااان 00 الالوان التلاتة والنسر بيغمز
فى النص 00 موبايـل وطنى زى الريس تمام 00 تحيا مصر 00
قلت ادخـل بقى علـى الرسايل 00 اول خمس رسايــل كانــوا نفــس الشكل 00 ( كله تمام ياريس ) ومعاهـم رسـاله ( every thing is ok)
وتلــت رسايــل ( بعد اذن سعادتك 00 كلمنى شكرا 00 ) وبعدها كلـها
رسايل تهنئة من الوزراء والشخصيات العامة 00
النغمــات كـانــت تستحـق التركيـــز والتأمــل النغمــة الرئيسية طبعــا (رأفت الهجان ) وكانـــت كأنـــى اول مــرة اسمعهـا لدرجة انى وصلت
لأخـــرها (مصر يارأفت ) ونغمة الوزراء كانت (بلدنا امانة فى ايدينا ) 00
اما الأرقام الخارجية كانت (خلى السلاح صاحى ) 00
حاولت اعــرف رقم التليفــون ده 000 وقلــت اجرب اتصل ببيتنــا لقيـت التليفـــون بيرتعــش ورقــع زغــروتة وشاشة اظهار الرقم اتكتب عليها
(elrays call you ya ebn elmahzoza )
بعد محــاولات اكتشفــــت ان الريــس مش 010 ولا012 ولا 011 ولا ده حتى مش 0900 هو zero
بس 00طبعا رقم مميز00
بعد كـــدة كان لازم اعــرف الموبايل ده كارت ولا خط 00 اتصلت بخدمة العملاء 00 رد عليا رئيس خدمة العملاء بنفسه وقال بمنتهــى الثقة 00
مسائك فل ياريس تليفونك شغال على طوووووووووول 00000
الحقيقة بعد ماقلبت فى الموبايل لقيت من واجبى كمواطن انى ارجـع الموبايـــــل للريس وحتى لو كان اتحدفلى كاتبرع فالريس ربانا الشعب
يعنى 00 على النفس الغزيزة 00 يعنى مينفعــش ناخــد حاجـة تترمى
لينا
ولو عايز يديهولى 00 يديهــولى بشكــل يليق بيــا كمواطن فى دولــــة تحترم المواطنين
عجبنى الكلمتين دول وقررت لازم اقولهم بصـوت اعلى شوية 00اخـــدت بعضى ورحـــت على الكوبـرى 00و00
(ولازال البحث جارى عن كاتب هذه السطور )
المــــوضـــــــــوع .. منقـــول من (مجلـــــة * فى الكليـــة * بكلية صيـــدلة المنصوره)
وبتمنى ان الموضـــــوع ينال اعجابكو .. ومستنى ردوركو على الموضــوع 
وربنـــا يخليك ليا يا أبو سعيد يغالى 