[ندعوك للتسجيل في المنتدى أو التعريف بنفسك لمعاينة هذا الرابط]
لو فتحت التلفزيون او النيوز بيبر او حتى رفعت سماعة التليفون
اكيد هتشوف وهتسمع وهتنهال عليك مشاكل ومشكلات وحاجات مكلكعه
وهتخليك تكتئب اكتر ما انت مكتئب ولو فتحت الراديو
على حظك الجميل هتلاقي سميرة سعيدة بتغني "عندي حالة ملل".
..طيب تعمل ايه ...تقفلهم كلهم ؟؟؟!!! طيب ما انت كدا هتكتئب اكتر ...
طيب بلاش .... تقفلهم كلهم وتيجي تدخل على الفيس بوك علشان تقعد تبعت في
الوول بتاع اصحابك؟؟؟ ...هتفتح الوول بتاعك وهتلاقي مبعوت لك
ان فلان الفلاني او فلانه الفلانيه ماتت ...يادي الاكتئاب ....
طيب يا سيدي افتح الفن وول .....
هتلاقي حد ظريف باعت لك حاجه من اليوتيوب بتخضك
ويطلع حد بيسرخ في وشك ويسرعك ....
وإلخ إلخ من الحاجات اللي بتجيب لك الاكتئاب ...
طيب لو قررت بقى تخرج و تركب تاكسي الله الله ....
أسألوني انا على التكسيات...
اكتر حاجه في الدنيا بتجيب اكتئاب ...
أصله يا هيقعد يشتم في البلد ...
أو يشتم في العربيات واللي سايقين ....
أو يشتكي لك من ولاده اللي مش بياكلوا لحمه ونباتيين أه والله واحد قعد يشكيلي ...
او يشغلك شريط يقلب عليك كل المواجع ....
مره ركبت انا و3 صحباتى تاكسي ....
كان مشغل شريط مش عارفه جيبه منين ...
شكله شاريه من حانوتي او اخده من عزا وهو مروح هديه ....
مش قادره افهم بجد ...
لدرجه اني انا وصحباتى قلناله على جنب هنا
ونزلنا ومشينا علشان مقدرناش نستحمل كمية النكد والاغاني اللي بتمغص البطن ....
طيب نعمل ايه ؟؟؟
يعني مش معقوله كمية الاكتئاب دي ...
وانا لما بكتئب ... بكتئب ... وأكتشفت ...
إن الإكتئاب أبلكيشن بينزل مع كل طفل مصري ...
علشان كدا الاطفال المصريه بتعيط بـ عاااااااء مش بـ واء
وإن الإكتئاب جزء لا يتجزئ من العيشه المصريه ....
علشان كدا لازم تبتسم في وش الاكتئاب علشان يكتئب ويختفي ويحل عن سمانا بقى
إبتسم فأنت في مصر ...
إبتسم فأنت في سنة 2008 اللي ربنا ينهيها على خير