انا عايزه اسئلكم شوية اسئله ياريت تساعدوني في الاجابه عليها
ليه بقينا بنقتل بعض بمنتهي القسوه والعنف ؟
هتسئلوني فين ده ؟؟
هقولكم افتحوا اي جرنال وشوفوا اخبار الحوادث
بعد مكنا يادوب تفتح اخبار الحوادث نلاقي ن
صاب نلاقي دجال نلاقي سرقه نلاقي حادثة عربيه
بقت صفحة الحوادث مليانه بحاجتين
أولا : واحد بيقتل اقرب الناس ليه بطرق بشعه
واحد يقتل ابوه وامه
واحد يقتل اولاده
واحده تقتل جوزها او واحد يقتل مراته
( اللي اتنين دول بيكون بسبب الخيانه )
ثانيا : اغتصاب
ليه بقينا كده
ليه بقينا بمنتهي العنف
ليه مبلجأش للقانون وهو ياخدلي حقي في اي شي قبل مقتل واشرد اهلي وعيالي
ليه بقت الناس قلبها حجر
ده انا من كتر اللي بشوفه واقراه بقيت بخاف من اي حاجه
لو راجل عدي جنبي في الشارع مهما كان سنه لازم ابقي مستعده وعارفه انه ممكن يمد ايده عليا فبكون مستعده لضربه بالشنطه او بأي حاجه بإيدي
دلوقتي عندي يقين ان اي حد لو عايز يقتلني ومحطوطه في عليه مصفحه برده هيقتلني
بقيت لما بنام اي حركه اقوم وادور في الاوضه علي حد عايز يقتلني
الثقه انعدمت في كل شخص حواليا
لما بابا بيتنرفز من اي حاجه
(هو بطابعه هادي مش بيتنرفز بسرعه )
بقيت بخاف يدخل يجيب سكينه ويطيح فينا كلنا
من اللي بقراه
خايفه لما ربنا يكرمنى ويرزقنى بابن الحلال
لو يحصل موقف ونتخانق انا وهو ويجيب السكينه او يطلع مسدس
من جيبه يموتني
الخوف بقي من كل حاجه وكل حد و
كل شخص مهما كان قريب
ليه كمية القضايا اللي ماليه الدنيا ديه
كل واحد مننا عارف كويس اللي ليه واللي عليه
ليه لو انا شاكك في حاجه مروحش اسئل شيخ يعرفني حقوقي
ليه ادفع رشوة لواحد علشان اخد شقه من زوج وهي مش من حقي
ليه اروح لمحامي معندوش دين ولا اخلاق وامشي وراه
وفي الاخر اتسجن والمحامي يرجع يقوله انا عملت كل اللي في وسعي وهو ده القانون
وبعد متقع المصيبه اقول فلان سجني
لا انت اللي عملت كده في نفسك
انت اللي نسيت الشرع ونسيت ربنا
وجريت ورا مصالح لاتغني من جوع
ونسيت كمان ان الجنه مش بالساهل
زي بالضبط النجاح في الثانويه العامه بمجموع كبير
بيجي بالحرمان من الخروج والفسح والتليفززيون والسهر علي المذاكره
ليه قبل معمل اي خطوه مهما كانت هي ايه
مسئلش واستفتي واشوف فين الشرع ورضي ربنا من اللي انا بعمله
ليه بقينا كده بنبيع بسهووووووووووووووووووله
( ممكن ابيع اختي أو اخويا أو ابويا او امي او جوزي او مراتي او بنتي او ابني )
بسهوله اوي كده
ليه بنكدب ونكدب اللي قدمنا
فين الصبر
فين الدين وحرمة البيوت والهدوء والاستقرار
فين الحياه الكريمه
فين الاخلاق والشهامه والرجوله
واخيرا حد يقولي الامان بيتباع فين وانا
ابيع كل ما املكه واروح اشتريه