من طرف [ندعوك للتسجيل في المنتدى أو التعريف بنفسك لمعاينة هذا الرابط]
بسمع ساعات عن الدنيا جمله بتضحكنى جدا
دنيا غريبه تجنن العاقل وتشيب الاقرع
واللى متاكده منه انها دنيا غريبه
يعنى تعالوا نبص شويه فى الدنيا اللى محيرانا دى
مثلا الدنيا شتت أول امبارح جامد يعنى ممكن فى بعض اماكن فى مصر
تلاقى واحد ماشى فى الشارع مخنوق وعمال يجرى عشان يلحق يروح
وواحد تانى واقف تحت بيت وجمبه العجله بتاعته وساكت بيبص للمطر
وعيال فرحانين عماله تجرى تحت المطر بتلعب
لو عشت احساس كل واحد لوحده تلاقى حياه مختلفه خالص لكن
لو الكل جمعته صوره هتلاقيها دنيا
لو ماشى فى الشارع مثلا
هتعدى كده على اول بيت هتسمع صوت ام بتتخانق مع بنتها واكيد عشان البيت
كمان كام بيت ممكن تسمع صوت عمرو دياب عالى هيكسر الدنيا
وبيت طالع منه ريحه محشى جامده تجوعك ويمكن تسمع صوت لمه وهيصه وضحك
وبيت تعدى تلاقيه كله تراب وبلكونته الظاهر انها مش اتفتحت بقالها زمن
احساسك ايه لو معدى على كل بيت؟
ويمكن تقارن بيتكم بيه
ياترى هتحمد ربنا ؟ ولا هتفكر فى ايه؟
كل بيت جواه حكايه
وكلهم جمب بعض دنيا
لو عرفت حد صادفك يوم فى الدنيا وقربت منه اوى
يمكن يطلع صاحب عمرك
ويمكن يطلع واحد خدعك وكدب عليك
ويمكن يطلع صاحب مصلحه معاك
كل حال مر بيك محدش حس بيه قدك
لكن هيمر وهيعدى الوقت واهى دنيا
والاغرب ناس
ناس تشوفها من بره تحب تعرفها ولما تعرفها كانك اخدت خبطه على دماغك وتندم يوم عرفتها
وناس تحاول وتحاول تعرفها لكن حاجز مبينكم مش عارف ايه هو
وناس تعرفها وكل ما تعرفها تحبها وتستغرب هتوصل لاى درجه معاها بعد كده
وتبقى وانت حواليها حاسس انها كبيره اوى
ناس ناس ناس
يمكن لو كل واحد فينا عرف اللى جوا غيره وهو بيكلمه كانت حياتنا هتفرق كتير؟
ممكن؟
لو نازل يوم مشوار وانت مش محدد نازله عشان ايه وفجاه لقيت حد محتاج مساعده
وساعدته كده بردو من غير سبب تفتكر هتجس بحاجه جواك؟
ليهم علاقه ببعض؟
طب لما تقع قدام عينيك كلمات بتحكى بالظبط اللى جواك هتنزل دمعتك؟ ولا هتقول صدفه؟
لو اتحطيت فى موقف لازم لازم تجامل فيه حد بحاجه انت مش حاسسها ونفسك صعبانه عليك
ومحدش حاسس بيك ومضطر ترسم على وشك ابتسامه
ده شئ يجرح ولا لأ؟
طب لو فى عز ضحكك وهزارك مع اصحابك وقعت عينيك على طفله صغيره بتضحك
ضحكه ابرئ منك هتحس بايه؟
مواقف وحكايات وكلمات وهمسات ومشاعر
يمكن مش مرتبطه ببعضها
لكن ساعات بنلاقى فى وسط النعكشه وعدم الترابط
معنى مفهوم اوى
اعتقد
هى دى الدنيا
بسمع ساعات عن الدنيا جمله بتضحكنى جدا
دنيا غريبه تجنن العاقل وتشيب الاقرع
واللى متاكده منه انها دنيا غريبه
يعنى تعالوا نبص شويه فى الدنيا اللى محيرانا دى
مثلا الدنيا شتت أول امبارح جامد يعنى ممكن فى بعض اماكن فى مصر
تلاقى واحد ماشى فى الشارع مخنوق وعمال يجرى عشان يلحق يروح
وواحد تانى واقف تحت بيت وجمبه العجله بتاعته وساكت بيبص للمطر
وعيال فرحانين عماله تجرى تحت المطر بتلعب
لو عشت احساس كل واحد لوحده تلاقى حياه مختلفه خالص لكن
لو الكل جمعته صوره هتلاقيها دنيا
لو ماشى فى الشارع مثلا
هتعدى كده على اول بيت هتسمع صوت ام بتتخانق مع بنتها واكيد عشان البيت
كمان كام بيت ممكن تسمع صوت عمرو دياب عالى هيكسر الدنيا
وبيت طالع منه ريحه محشى جامده تجوعك ويمكن تسمع صوت لمه وهيصه وضحك
وبيت تعدى تلاقيه كله تراب وبلكونته الظاهر انها مش اتفتحت بقالها زمن
احساسك ايه لو معدى على كل بيت؟
ويمكن تقارن بيتكم بيه
ياترى هتحمد ربنا ؟ ولا هتفكر فى ايه؟
كل بيت جواه حكايه
وكلهم جمب بعض دنيا
لو عرفت حد صادفك يوم فى الدنيا وقربت منه اوى
يمكن يطلع صاحب عمرك
ويمكن يطلع واحد خدعك وكدب عليك
ويمكن يطلع صاحب مصلحه معاك
كل حال مر بيك محدش حس بيه قدك
لكن هيمر وهيعدى الوقت واهى دنيا
والاغرب ناس
ناس تشوفها من بره تحب تعرفها ولما تعرفها كانك اخدت خبطه على دماغك وتندم يوم عرفتها
وناس تحاول وتحاول تعرفها لكن حاجز مبينكم مش عارف ايه هو
وناس تعرفها وكل ما تعرفها تحبها وتستغرب هتوصل لاى درجه معاها بعد كده
وتبقى وانت حواليها حاسس انها كبيره اوى
ناس ناس ناس
يمكن لو كل واحد فينا عرف اللى جوا غيره وهو بيكلمه كانت حياتنا هتفرق كتير؟
ممكن؟
لو نازل يوم مشوار وانت مش محدد نازله عشان ايه وفجاه لقيت حد محتاج مساعده
وساعدته كده بردو من غير سبب تفتكر هتجس بحاجه جواك؟
ليهم علاقه ببعض؟
طب لما تقع قدام عينيك كلمات بتحكى بالظبط اللى جواك هتنزل دمعتك؟ ولا هتقول صدفه؟
لو اتحطيت فى موقف لازم لازم تجامل فيه حد بحاجه انت مش حاسسها ونفسك صعبانه عليك
ومحدش حاسس بيك ومضطر ترسم على وشك ابتسامه
ده شئ يجرح ولا لأ؟
طب لو فى عز ضحكك وهزارك مع اصحابك وقعت عينيك على طفله صغيره بتضحك
ضحكه ابرئ منك هتحس بايه؟
مواقف وحكايات وكلمات وهمسات ومشاعر
يمكن مش مرتبطه ببعضها
لكن ساعات بنلاقى فى وسط النعكشه وعدم الترابط
معنى مفهوم اوى
اعتقد
هى دى الدنيا
