قصة حب صغير السن ..... كبر الحب و ضاع

كنا زمان
اطفال صغار
عشنا سواء
صبيان بنات
نلعب سعات
وسط الهواء
عيلة كبيرة تضمنا
و في وسط العيلة حبنا
عرف طريقة لقلوبنا
و عشنا فية كم سنة
طفل و طفلة و حبنا
كبر معانا في قلبنا
حسينة بية قالوا صغار
قلنا بكرة نبقي كبار
يا ريتكوا بس تسيبونا
نلعب سواء وسط الهواء

مرت سنين
زاد الحنين في قلوبنا
هية في طريق و انا في طريق
و دة نصيبنا
و رضينا بية و قلنا خلاص
ننسي كل اللي ما بينا
و نعيش بعاد عن بعضنا
لفيت و دورت وسط القلوب
ادور علي قلب يحسني
و يخاف علية يضمني
و ينسي قلبي حبها
و في يوم قريب شفتها
دق قلبي وقتها
و قلت هية و مفيش غيرها
اللي قلبي حسها
و جريت عليها حضنتها
و دة كان في نفسي وقتها
بس طبعا محصلشي
لاني وسط العيلة وجدتها
واقفة جنب امها
و عيني جيت في عنيها
و دق قلبي لحبها
و ياريتني لقتها لوحدها
كنت اخدها و اقولها
اني سنين بحبها
و نفسي نبقي لبعضنا
و لاكلمة من دي قولتها
قلب جرئ في جسم ضعيف
سامحني يا قلبي جرحتك
انساها و عيش لواحدك
دور علي فرحتك بعيد عنها
لانها يا قلبي مش ليك
مش ليك يا قلبي ...................

مش عارف اكلم اقول ايه بجد ع الجمال والرقه والاحاسيس دى كلها
تسلم اديكى يارب ياقطعة حلوى المنتدى ربنا يخليكى لينا كلنا يارب
وزوقك الهايل ده

شكرا ليك ياقبطان وعلى رقتك وزووقك

وبشكرك كمان على مرورك الكريم