من طرف flower love الأحد نوفمبر 29, 2009 12:26 amأجندة حياتى
ورقها أبيض سطورها وردى
اتفتحت فيها صفحتك
أول ما شوفتك انتى
اتحفرمن فوق عليها اسمك
واتحط من تحت شريط لصورك
وكتبتى على السطور بقلمك
كلمه كل حرف فيها حضنى
دفانى فى عز الشتا
وكلمه كل حرف فيها جناح
خطفنى وطار فى السما
وكلمه كل حرف فيها قتلنى
صرخت منها بأعلى صوت
[ندعوك للتسجيل في المنتدى أو التعريف بنفسك لمعاينة هذه الصورة]
وما بنش من صوتى غير سكوت
وانتهت السطور
ولسه ما انتهاش كلامك
ولما مالقتيش سطور
كتبتى فوق الكلام كلام
وضيعتى الحروف وشوهتى المعانى
والصفحة بقت مليانه خطوط
قيدت كل ما فيا
زى الفريسه فى خيوط العنكبوت
وبنظرة عين حزينه
وقلب مجروح
وصوت مكسور وخافت
قولتلك قصى صورتك من شريط ذكرياتى
امحى اسمك وارحلى من حياتى
افتكرتك سفينه
فى بحر الدنيا العميق
افتكرتك هتخرجينى
من كل هم وضيق
لقيتك جرحتينى
ونسيتى حق الصديق
وبنظرة عين حزينه
وقلب مجروح
وصوت مكسور وخافت
قولتلك قصى صورتك من شريط زكرياتى
امحى اسمك وارحلى من حياتى
ايوه حبيتك
وسكنتك قلبى وحشايا
ايوه حبيتك
وكنت وطنى وارضى وسمايا
ايوه حبيتك
و كنت عيزك تفضلى معايا
ايوه حبيتك
بس خلاص فات الآوان
والصفحه مابقاش فيها مكان
وبنظرة عين حزينه
وقلب مجروح
وصوت مكسور وخافت
قولتلك قصى صورتك من شريط ذكرياتى
امحى اسمك وارحلى من حياتى
ما نكرش ان اجندة حياتى
ماينفعش أقطع منها صفحة
مانكرش ان مهما مسحت بالأستيكه
هتفضل خطوط القلم واضحة
لكن ...
قصى صورتك من شريط ذكرياتى
امحى اسمك وارحلى من حياتي
